“Organik sintez va amaliy kimyo” (OSAK) kafedrasi O’zbekiston Milliy universiteti Kengashining 2020 yil 19-iyundagi №10-sonli majlisi Qarori asosida O’zMU rektori A.R.Maraximovning 2020 yil 25-iyundagi №01-337 raqamli buyrug’iga ko’ra tashkil etilgan.
Kafedraning 2020-2030 yillardagi maqsad va vazifalari
«Organik sintez va amaliy kimyo» kafedrasining (OSAK) O’zMU ning tarkibiy bo’linmasi hisoblanadi. Kafedraning strategik maqsadi bo’lib — O’zMU raqobatbardoshligini oshirish jarayonlarida faol ishtirok etish, raqobatbardosh o’quv dasturlarini yaratish va amaliyotga tadbiq qilish, kimyo fanlari bo’yicha yuqori malakali mutaxassislarni tayyorlash, nazariy va amaliy ilmiy tadqiqotlarni rivojlantirish va yuqori darajada targ’ib qilish hisoblanadi.
Kafedraning ustuvor vazifalari:
• kadrlar salohiyatini rivojlantirish va yangilash, xodimlarning ijodiy va innovatsion faolligini, tashabbuskorligini oshirish;
• O’zR FA ITI lari va ta’lim tashkilotlari bilan uzoq muddatli va o’zaro manfaatli hamkorlik aloqalarini o’rnatish;
• kafedraning ustuvor yo’nalishlari bo’yicha tadqiqot va ishlanmalar natijalarini tijoratlashtirishning zamonaviy tizimini yaratish;
• ish beruvchilarning kasbiy talablariga muvofiq, kafedra tomonidan bakalavriat va magistratura yo’nalishlari bo’yicha talab qilinadigan raqobatbardosh o’quv dasturlarini yaratish va joriy etish;
• bakalavriat va magistratura bitiruvchilarining innovatsion kompetentsiyalarini shakllantirish maqsadida, asosiy o’quv fanlariga kompyuter modellashtirish dasturiy mahsulotlari va zamonaviy fizik tadqiqot usullarini joriy etish.
• xorijiy universitetlar bilan hamkorlikda qo’shma ta’lim dasturlarini ishlab chiqish va joriy qilish;
• magistrlik dissertatsiyalariga talablarni oshirish, olingan natijalarni РИНЦ, Scopus, Web of Science kabi ma’lumotlar bazalariga kiritilgan ilmiy jurnallarda chop etish;
• o’quv jarayoniga fanlarini ingliz tilida o’qiydigan o’qituvchilarni jalb qilish;
• o’rindoshlik asosida ishlab chiqarish va ixtisoslashtirilgan tashkilotlardan yuqori professional ilmiy va pedagogik kadrlarni o’quv jarayoniga jalb qilish;
• xorijiy davlatlar universitetlari va tadqiqot markazlarining yetakchi olimlarining o’quv va ilmiy faoliyatida ishtirok etishini ta’minlash;
• amaliyot o’tash, qayta tayyorlash va malakasini oshirishning turli shakllari orqali professor-o’qituvchilar malakasi darajasini doimiy ravishda yaxshilash;
• muntazam ravishda Respublika, xalqaro seminar va konferentsiyalarda ilmiy tadqiqotlar va ilmiy-amaliy ishlanmalar natijalari bilan ishtirok etish;
• grifga ega bo’lgan monografiya (har o’quv yilida kamida 1 ta), darsliklar va uslubiy ishlanmalar (har o’quv yilida kamida 2 ta) tayyorlash;
• Kafedra bitiruvchilari va ish beruvchilar bilan aloqalarni kengaytirish.