Elsevierning Kimyo-biologik qarorlar bo’yicha direktori Sergey Varnavskiy O’zbekiston Milliy universitetiga tashrif buyurdi. Uchrashuvda Elsevierning Kimyo-biologik qarorlar bo’yicha direktori Sergey Varnavskiy, universitet Xalqaro bo’lim xodimlari, Kimyo fakulteti dekani Shahnoza Kodirova, “Organik sintez va amaliy kimyo” kafedra mudiri Alisher Xaitbayevlar ishtirok etdi. Unda Elsevierning Kimyo-biologik qarorlar bo’yicha direktori Sergey Varnavskiy mutaxassislar tomonidan tuzilgan kimyo ma’lumotlar bazasi bo’lgan Reaxys haqida ma’lumot berdi va mazkur platformani ishlatish bo’yicha taqdimot o’tib berdi.
- Reaxysning asosiy maqsadlaridan biri tadqiqotchi kimyogarlarga eksperimental ravishda o’lchangan ma’lumotlarga – reaksiyalarga, fizikaviy, kimyoviy yoki farmakologik ma’lumotlarga bitta universal va daliliy platformada kirish imkoniyatini berishdir. Uni qo’shimcha funksiyalarining tarkibi sintezni rejalashtirish va tijorat uchun mavjud bo’lgan ma’lumotlarga kirishdan iborat, – deydi Sergey Varnavskiy.
Shuningdek, professor-o’qituvchilar uchun mazkur bazadan foydalanish dunyo ilmiy tadqiqotlaridan foydalanish, dolzarb mavzularni aniqlash kabi bir qator imkoniyatlar berishi to’g’risida fikr almashildi.
Ma’lumot uchun, Reaxys 2009-yilda CrossFire ma’lumotlar bazalarining vorisi sifatida ishga tushirilgan. Bu tadqiqotchi kimyogarlarga dolzarb va tarixiy, organik, noorganik va organometalik kimyoviy ma’lumotlarga ishonchli manbalardan foydalanishda qulay interfeys orqali kirish huquqini berish uchun ishlab chiqilgan. Reaxys uchta asosiy ma’lumot manbalaridan tarkibni birlashtiradi: – Beylshteyn. Jurnal adabiyotidan XVIII asrgacha olingan organik uglerod birikmalarining tuzilishi, reaksiyalari va xossalari to’g’risida aniq ma’lumot manbai. - Gmelin. XIX asrning boshlarida jurnal va patentli adabiyotlardan olingan noorganik va metall-organik birikmalarning tuzilishi va xossalari to’g’risida aniq ma’lumot manbai.
- Patent kimyosi ma’lumotlar bazasi. Tanlangan ingliz tilidagi kimyoviy patentlardan olingan organik kimyo ma’lumotlari fayli.
O‘zMU Axborot xizmati
