2021-yil 21-dekabr kuni O’zbekiston Milliy universiteti Biologiya fakulteti talabalari o’rtasida «Ma’naviyatli yoshlar kelajak bunyodkori» nomli ma’naviy-ma’rifiy ko’rik-tanlov o’tkazildi. Tanlovda Yoshlar bilan ishlash, ma’naviyat va ma’rifat bo’limi xodimlari, barcha fakultetlarning dekan o’rinbosarlari va talaba-yoshlar ishtirok etdilar. Tanlovda «Adrenalin», «Liderlar», “Zamona», “Zulfiyaxonim qizlari», «O’zbekiston yoshlari», «Renassans» jamoalari ishtirok etdi. Tanlovda talabalar 5 ta shart bo’yicha bellashib, iqtidorlarini namoyish etishdi: tanishtiruv, tezkor savol-javob, o’xshatish, muammoli mavzularda sahna ko’rinishi va erkin mavzu.
Qiziqarli o’tgan tanlovda, hakamlar hay’atining yakuniy qarorlariga ko’ra, faxrli 1-o’rinni «Liderlar» jamoasi, 2-o’rinni «Adrenalin» jamoasi, 3-o’rinni «Renassans» jamoasi egalladilar. G’olib bo’lgan jamoalar diplom, esdalik sovg’alar va pul mukofoti bilan taqdirlandilar.

O’zMU Axborot xizmati