24-26 noyabr kunlari INHA universitetida O‘zbekistonda ilk marotaba mapaton tadbiri o‘tkazildi. Unda aholining ichimlik suvi bilan ta’minlanganlik darajasi va oqava suv tizimi qamrovi bo‘yicha aktual ma’lumotlarni yig‘ish maqsadida 120 ta ko‘ngillilar va soha mutaxassislari jalb etildi.

🔸 Geoaxborot ma’lumotlarini shakllantirish musobaqasi — Mapatonda O‘zbekiston Milliy universiteti Geografiya va geoaxborot tizimlari fakulteti “Kartografiya” kafedrasida tashkil etilgan “Raqamli kartografiya” to‘garagi iqtidorli talabalaridan iborat «Milliy» jamoasi ham faol ishtirok etdi. 10 ta oliy ta’lim muassasasi ishtirok etgan ushbu musobaqada universitetimiz jamoasi 1-o‘rinni egalladi.