Oʼzbekiston Milliy universitetiga biriktirilgan Toshkent shahrining Olmazor tumanidagi mahallalarida istiqomat qiluvchi 14-18 yoshli uyushmagan yoshlar oʼrtasida sportning mini futbol turi boʼyicha 2021 yilning 15 iyunь kuni soat 08:00 da universitet sport majmuasida «OʼzMU rektori kubogi» musobaqasiga start beriladi.

Dastlabki oʼyinni Toshkent shahrining Olmazor tumanidagi «Tepaguzar», «Beruniy» «Moyqoʼrgʼon», «Paxta» mahallalarining jamoalari boshlab berishadi.

Turnir doirasida koʼngilli muhlislar uchun esa sportning shaxmat, shashka, basketbol, voleybol, kurash turlari boʼyicha ham doʼstlik musobaqalari oʼtkazilishi rejalashtirilgan.

Barcha sport ishqibozi va shinavandalarini mazkur turnirga taklif etamiz.

OʼzMU Yoshlar bilan ishlash,

maʼnaviyat va maʼrifat boʼlimi