Joriy yilning 15-iyul kuni dunyoning Top-100 universitetlari qatoriga kiruvchi Nankin universiteti kengashi raisi, prof. Tieniu Tan boshchiligidagi delegatsiya Mirzo Ulug’bek nomidagi O’zbekiston Milliy universitetida bo‘ldi.

Mehmonlar bilan O‘zbekiston Milliy universiteti tomonidan ilmiy ishlar va innovatsiyalar bo’yicha prorektor Yoqub Ergashоv boshchiligidagi vakillar hamkorlik doirasida fikr almashishdi.

Xususan, ikki universitet professor-o’qituvchilarini ilmiy va innovatsion faoliyatga keng jalb qilish orqali hamkorlikda qo’shma loyihalarni amalga oshirish, almashinuv dasturlarida doirasida O’zMU talabalari va doktorantlarini bir semesrtga Nankin universitetiga yuborish, malaka oshirish va stajirovkalarni tashkil etish hamda birgalikda ilmiy-amaliy konferensiyalar o’tkazish kabi takliflar bildirildi.